Монгол Улсын Ерөнхийлөгчийн санаачилсан “Тэрбум мод” үндэсний хөдөлгөөний хүрээнд “Бүх нийтийн мод тарих өдөр”-ийг тохиолдуулан 2022 оны 5 дугаар сарын 14-ний өдөр “Олон улсын худалдаа, логистикийн төв” ХК-д мод тарих нээлтийн үйл ажиллагаа боллоо.
Нээлтийн үйл ажиллагаанд ШШГЕГ-ын дэд дарга, хурандаа Х.Ариунболд, Хорихоос өөр төрлийн ял эдлүүлэх албаны дарга, хурандаа Ц.Очгэрэл нар оролцлоо.
Шүүхийн шийдвэр гүйцэтгэх ерөнхий газрын дарга, хурандаа Д.Загджавын санаачлагаар тус байгууллага 100 сая мод тарих үүрэг чиглэл авсны дагуу Хорихоос өөр төрлийн ял эдлүүлэх алба нь дотоод нөөц бололцоондоо тулгуурлан ял шийтгэлийн бодлогыг мод тариалах үйл ажиллагаатай уялдуулан зохион байгуулж, нийтэд тустай ажил хийлгэх ял эдлэгсэдийг тус үйл ажиллагаанд идэвхтэй оролцуулж байна.
Дээрх ажлын хүрээнд нийслэлийн хэмжээнд хяналтад байгаа нийтэд тустай ажил хийлгэх ял шийтгүүлсэн ялтнуудаар “Олон улсын худалдаа, логистикийн төв” ХК-тай хамтран Сонгинохайрхан дүүргийн 32 дугаар хорооны нутаг дэвсгэрт байрлах 6 га газарт улиастайн саваа мөчир бэлтгэх, хөрс боловсруулалт, мод үрсэлгээ, арчилгаа, усалгаа, мод тарих, цэвэрлэгээ хийх зэрэг ажлуудыг хийж гүйцэтгүүлэн 2022 оны 05 дугаар сарын 16-ны өдрийн байдлаар 73000 гаруй модны үрсэлгээг хийж, 350 гаруй модны нүх ухаж, 840 метр мод тарих шуудуу бэлтгэж, 3500 гаруй мод тарилаа.
Цаашид Хорихоос өөр төрлийн ял эдлүүлэх алба нь мод тарих ажлыг ял шийтгэлийн бодлоготой уялдуулж, нийтэд тустай ажил хийлгэх ялаар шийтгүүлсэн ялтнуудыг мод тарих үйлсэд татан оролцуулах, эрх зүйн боловсруулалтыг боловсронгуй болгох замаар нийгэмших, нийтэд тустай ажил хийх боломжыг бүрдүүлэх бодлого баримтлан ажиллахаар төлөвлөж байна.
100 жил
.png)